Бас мүфти балалар үйінде 700 мың теңгенің қайырымдылық шарасын жасады

Бүгін Қазақстан мұсылмандары діни басқармасы Алматыдағы республика сарайында өтетін Мәуліт мерекесінен түскен қаражаттың есебінен Алматы Облыстық № 1 балалар үйінде 700 мың теңгенің қайырымдылық шарасын жасады, - деп хабарлайды Tengrinews.kz тілшісі ҚМДБ сайтына сілтеме жасап.

Бүгін Қазақстан мұсылмандары діни басқармасы Алматыдағы республика сарайында өтетін Мәуліт мерекесінен түскен қаражаттың есебінен Алматы Облыстық № 1 балалар үйінде 700 мың теңгенің қайырымдылық шарасын жасады, - деп хабарлайды Tengrinews.kz тілшісі ҚМДБ сайтына сілтеме жасап.

Шараға ҚМДБ төрағасы, Бас мүфти Ержан қажы Малғажыұлы қатысып, балғындарды Мәуліт мерекесімен құттықтады. Арнайы ат басын тіреген Бас мүфти балалар үйінің тыныс-тіршілігімен танысып, тәрбиеші аналармен жүздесті.

Бас мүфти балалар үйінде тәрбиеленіп жатқан жеткіншектерге достық, татулық, мейірім жайында уағыз айтып, кеңінен түсіндірді. Балдырғандарды қуанту мақсатында оларға тәттілер таратылып, балаларға арнап клоунның қатысуымен әртүрлі көңілді қойылымдар көрсетілді.