+7 (777) 001 44 99
Қазақша
Русский
English
ҚР Бас прокуратурасы жарты жыл ішінде 59 қазақстандықтың экстрадициялануы туралы сұраныс жіберді. Бұл туралы ведомство өкілдерінің Tengrinews.kz тілшісінің сауалына берген жауабында айтылады.
"Алты ай ішінде Қазақстанның Бас прокуратурасы шетелдік мемлекеттердің құзырлы органдарына 59 сұраныс жіберді", - делінген Бас прокуратураның Құқықтық статистика және арнайы есепке алу жөніндегі комитетінің хабарламасында.
Негізінен көп сұраныс Ресейге жолданған - 37. Қырғызстан - 8, Өзбекстан -3, Германия - 3. Сондай-ақ Бас прокуратура Грузия мен Украинаға екі сұраныстан жіберген.
Тағы төрт қазақстандық Әзірбайжаннан, АҚШ-тан, Чехия мен БАӘ-нен эктрадициялануы мүмкін.
Осы күнге дейін шетелдік әріптестермен байланыстың арқасында 33 сұраныс қанағаттандырылды. Ресейден - 19, Қырғызстан - 5, Грузия - 2, Өзбекстан - 2, Украина - 1, Германия - 1, Чехия - 1, Черногория - 1", - делінген Бас прокуратура хабарламасында.
Тағы 26 сұраныс бірнеше елге жіберіледі. Бас прокуратура мәліметінше, Қазақстан БАӘ, ҚХР, Корея, Қырғызстан, Моңғолия, Түркия, Литва, Иран және Испаниямен экстрадиция жайлы келісімге келген.
