+7 (777) 001 44 99
Қазақша
Русский
English
Мәжіліс кулуарында бас прокурордың орынбасары Жандос Өмірәлиев Астанада ұсталған мұнайшылар мен оларға қатысты қолданылған шаралар туралы айтты, - деп хабарлайды Tengrinews.kz тілшісі.
"Кешегі жағдайға қатысты. Іс жүзінде энергетика министрлігі, "Қазмұнайгаз" және ІІМ де жеткілікті түрде хабардар болған жоқ. Шынында да, 10 сәуірде Энергетика министрлігі ғимаратының алдында "БерӘлі Манғыстау Company" бұрынғы жұмысшылары заңсыз жиналыс өткізіп, олардың ЖШС-дағы жұмысын қалпына келтіруді немесе "ӨзенМұнайГазға" жұмысқа орналастыруды талап етті. Айта кету керек, олар мұндай акцияларды өткізу туралы хабарлама тәртібін бұзған. Мұндай пикеттер мен акциялар әкімдіктерге бес күн бұрын ескертілуі қажет. Мұндай хабарлама берілген жоқ", - деді Жандос Өмірәлиев.
Ол қазіргі уақытта ұсталғандар босатылғанын атап өтті.
"Барлығы 126 адам болды. Барлығы босатылды. Кәсіпорынның бұрынғы бес қызметкері әкімшілік жауапкершілікке тартылды - рұқсат етілмеген митингке қатысқаны үшін ескерту", - деп қосты ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
