+7 (777) 001 44 99
Қазақша
Русский
English
Қазақстандық заңгер, Ұлттық құрылтай мүшесі Айман Омарова Президент Қасым-Жомарт Тоқаевқа үндеу жолдады, - деп хабарлайды Tengrinews.kz тілшісі.
Ұлттық Құрылтайдың үшінші отырысында Омарова балалардың суицид мәселесіне тоқталды.
"Сіздің назарыңызды, әсіресе балалар арасындағы суицид деректерін тергеуге аударғым келеді. Қылмыстық істер негізінен "Өзін-өзі өлтіруге дейін жеткізу" бабы бойынша тіркеледі. Кейіннен нақты себептер анықталмағандықтан, қылмыстық істер тоқтатылады", - деді Айман Омарова.
Ол өз-өзіне қол жұмсау себептерін, яғни жәбірленушіге қатысты заңсыз әрекеттердің себептерін анықтау мүмкін еместігі, ашылмаған қылмыстық құқық бұзушылықты білдіретінін атап өтті.
"Сондықтан, Бас прокуратураға Қылмыстық кодекстің 105-бабы "Өзiн-өзi өлтiруге дейiн жеткiзу" бойынша тіркелген барлық қылмыстық істерді зерделеуді тапсыруыңызды сұраймын, өйткені қандай да бір шара қолдану қажет", - деді Омарова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
