+7 (777) 001 44 99
Қазақша
Русский
English
Астанада 7 мамырда Тәуелсіздік алаңында өтетін әскери шеру тікелей эфирде көрсетіледі, - деп хабарлайды Tengrinews.kz тілшісі.
Қорғаныс министрлігі мәліметінше, Ұлы Отан соғысындағы Жеңістің 80 жылдығы мен Отан қорғаушы күніне арналған әскери парад 2025 жылдың басты оқиғаларының бірі болмақ.
Мерекелік шеру 7 мамырда Астанадағы Тәуелсіздік алаңында өтеді. Салтанатты шараға 4000-нан астам әскери қызметші, 200-ден астам әскери техника, сондай-ақ майдандық, армиялық және әскери-көліктік авиацияның 66 ұшағы мен тікұшағы қатысады.
Әскери шеру:
- республикалық телеарналардан;
- еліміздің барлық қалаларында LED-экрандардан;
- Қорғаныс министрлігінің ресми YouTube-арнасынан тікелей эфирде көрсетіледі.
Айта кетейік, 7 мамырда Қазақстанда Отан қорғаушылар күні атап өтіледі. 9 мамырда Ұлы Жеңістің 80 жылдығы болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
