+7 (777) 001 44 99
Қазақша
Русский
English
Батыс Қазақстан облыстық мәслихатының кезекті сессиясында жергілікті полиция басшысы болып Орал қаласы ІІБ жетекшісі Манарбек Ғабдуллин сайланды, - деп хабарлайды "Мой город" басылымы. Жергілікті депутаттар оның кандидатурасын бірауыздан қолдады.
БҚО ІІД төрағасы Махамбет Әбітасовтың айтуынша, олар облыстағы аудандарды аралап үлгерген. "Дүйсенбі, 11 қаңтарда аудандық депутаттарға аудандық жергілікті полиция қызметінің басшылары таныстырылады, кейін бөлімше басшылары таңдалады", - деді Әбітасов.
Ғабдуллин Манарбек Серікқалиұлы 1969 жылы 29 қарашада Тайпақ ауданында дүниеге келген. 2004 жылы ол Өтемісов атындағы БҚМУ-ді құқықтану мамандығы бойынша бітіреді. Ішкі істер органдарында 1994 жылдан бері қызмет етіп келеді. Еңбек жолын ол учаскелік инспектор болып бастаған. 2013 жылдан бері Орал қаласы ІІБ басшысы қызметін атқарып келеді.
"Мой город" басылымының мәліметінше, Ғабдуллин қызметіне ішкі істер министрінің бұйрығы шыққаннан кейін кіріседі.
