13 қыркүйек 2016 | 14:34

Бауыржан Байбек бокс үйірмесінің қатысушыларында бірыңғай форманың жоқтығына ескерту жасады

Алматы қаласының әкімі Бауыржан Байбек Оқушылар сарайындағы спорт бөлімін қайта қалпына келтіру жұмыстарының қорытындысымен танысты. Іс-сапар барысында қала әкімі Оқушылар сарайының басқармасына бокс үйірмесіне қатысып жүрген балаларда бірыңғай форманың жоқ болуына байланысты ескерту жасады, - деп хабарлайды Tengrinews.kz тілшісі.

Алматы қаласының әкімі Бауыржан Байбек Оқушылар сарайындағы спорт бөлімін қайта қалпына келтіру жұмыстарының қорытындысымен танысты. Іс-сапар барысында қала әкімі Оқушылар сарайының басқармасына бокс үйірмесіне қатысып жүрген балаларда бірыңғай форманың жоқ болуына байланысты ескерту жасады, - деп хабарлайды Tengrinews.kz тілшісі.

"Ғимараттың іші толықтай жөндеуден өтті. Мұнда кейбір залда жылыту жүйесі қосылмаған болатын. Осыған дейін балалар футбол залында жаттығып жүрген болатын. Қазіргі уақытта ғимаратта жылыту жүйесі жұмыс істейді. Қазір ғимарат 100 пайызға дайын", - деді спорт және туризм бөлімінің басшысы Бағлан Әбдірайымов.

Оның айтуынша, спорттық үйірмелерге бірінші кезекте көпбалалы отбасылар мен жағдайы ауыр отбасылардың балалары қатыса алады. Қазіргі уақытта ғимараттағы жаттықтыру жұмыстары тегін өтіп жатыр. Айта кетейік, спорттық үйірмелерге осы уақытқа дейін 1600 бала жазылыпты. Олардың 600-і бассейнге қатысуға ниет білдіріпті.

соңғы жаңалықтар Бауыржан Байбек Балалар Алматы Тәуелсіздіктің 25 жылдығы