+7 (777) 001 44 99
Қазақша
Русский
English
Алматы әкімі мен оның қоластындағы 86 қызметкер автомобильден велосипедке ауысады, - деп хабарлайды Tengrinews.kz тілшісі. Бұл туралы қала басшысы халыққа есеп беру кездесуінде айтты.
Қала басшысының айтуынша, Алматыда экологиясы мәселесін шешу үшін барлық жұмыс атқарылып жатыр. "Меніңше, экологиясы мәселесі - бастысы. Шығарылатын зиянды заттардың 80 пайызы көліктердің үлесінде. Амстердамда жыл сайын көліктерді 2 пайызға азайтып отырған, біз де азайтып отырамыз. Ян Гейл "Қалаға кімді шақырсаң, солар келеді" дейді. Көліктерді шақырсаң, көліктер келеді. Автобустар мен жаяу жүргіншілерді шақырсаң - солар келеді", - деді әкім.
"Бүгін әкімдіктің 86 қызметкері велосипедке көшеді. Мен де велосипедке ауысуды жоспарлап отырмын. Көліктерімізді түгелдей газға ауыстырамыз. Егер біз үлгі көрсетпесек, кім көрсетеді? Бұл Астана емес қой, мұнда ауа райы жылы. Бізде жыл бойында серуендеуге болады. Адамдар жаяу жүруі үшін қолдан келгенді жасаймыз", - деді Байбек.
