+7 (777) 001 44 99
Қазақша
Русский
English
Шымкент әкімінің орынбасары Руслан Берденовке оқ атылған қару Астанада есептен шығарылған болып шықты. Ішкі істер министрі Ержан Сәденов бұл жағдайды немқұрайлықтың салдары деп атап, қылмыстық іс қозғалғанын айтты, - деп хабарлайды Tengrinews.kz тілшісі.
Мәжіліс кулуарында журналистер қару Астанада есептен шығарылғанымен, Шымкенттен табылғанын жеткізді. Сәденов мұны жанама түрде растады және мұндайға полицейлердің салғырттығы себеп болғанын атап өтті.
"Иә, өкінішке қарай, мұндай жайттар болды. Біреу сатып жіберді деген емес, (полиция қызметкерлерінің – еск.) немқұрайлы қарауы себеп болды. Қылмыстық іс қозғалды, тергеу барысында осының бәрін анықтап, барлық сұраққа жауап береміз: кінә кімде, кім сатқан", – деді министр.
Берденовке жасалған шабуыл
Еске салайық, 21 сәуірде Шымкент қаласы әкімдігі ғимараты маңында атыс болды. Салдарынан Руслан Берденов жарақат алды.
Полиция мәліметінше, күдікті ұсталып, уақытша ұстау изоляторына қамалған, бұл дерек бойынша қылмыстық іс қозғалды.
Күдіктіге қатысты 9 жылға бас бостандығынан айыру жазасын орташа режимдегі колонияда өтеу туралы үкім шығарылды. Сот сотталушыдан жәбірленушіге 30 АЕК (2025 жылы 117 960 теңге) өндіруге міндеттеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
