+7 (777) 001 44 99
Қазақша
Русский
English
Мәжіліс депутаты Айдарбек Ходжаназаров өзінің партияласы – Шымкент әкімінің орынбасары Руслан Берденовке жасалған шабуылға қатысты пікір білдірді, - деп хабарлайды Tengrinews.kz тілшісі.
Мәжіліс кулуарында журналистер Ходжаназаровтан партияласының жағдайы туралы сұрады.
"Бәрі жақсы, дегенмен әлі бәрі жақсы деп айтуға келмейді, себебі ол ауыр жарақат алған. Оған үш рет оқ атылған. Мұндай шабуылдан, мұндай атыстан аман қалу өте қиын. Оңалту біраз уақытты алады. Біз, өз басым да, қатты уайымдадық", – деді Айдарбек Ходжаназаров.
Ходжаназаров оқиға бойынша айтылып жатқан нұсқалардың ешқайсына сенбейтінін айтты.
"Менің ойымша, бұл жерде саяси астар жоқ. Бұл – жеке мәселе. Ешқандай нұсқаға сенбеймін. Бұл қарапайым тұрмыстық қылмыс деп ойлаймын. Ол (Берденов – еск.) әзірге жауап бере алмайды", – деп қосты депутат.
Мәжілісменнің айтуынша, Руслан Берденов есін жиғаннан кейін бірден жұмысқа баруға ниет білдірген.
"Ол наркоздан шыға алмай жатып, айтқан алғашқы сөздері: "Маған тұру керек, жұмысқа бару керек" болды. Ол өзінің ауруханада жатқанын түсінбей жатты", – деп бөлісті Ходжаназаров.
Еске салайық: Руслан Берденов ақпанда Шымкент әкімінің орынбасары болып тағайындалғанға дейін Respublica партиясынан Мәжілістің депутаты болған.
Еске салайық, 21 сәуірде Шымкент әкімдігі ғимараты маңында атыс болды. Салдарынан Руслан Берденов жарақат алды. Полиция мәліметінше, күдікті ұсталып, уақытша ұстау изоляторына қамалған, бұл дерек бойынша қылмыстық іс қозғалды.
Кейінірек Руслан Берденов есін жиғаны айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
