БҒМ ұлыбританиялық мұғалім НЗМ-нен жұмыстан босатылғанын растады

Гүлнара Досымшалова Корреспондент

Иллюстрациялық фото: elements.envato.com

Білім министрлігі Ұлыбритания азаматы Дэвид Ли Эшфордтың Назарбаев Зияткерлік мектебінен жұмыстан шыққанын растады, - деп хабарлайды Tengrinews.kz тілшісі.

Білім министрлігі Ұлыбритания азаматы Дэвид Ли Эшфордтың Назарбаев Зияткерлік мектебінен жұмыстан шыққанын растады, - деп хабарлайды Tengrinews.kz тілшісі.

Білім министрлігінің мәліметінше, бүгінде Ұлыбритания азаматы Дэвид Ли Эшфорд Алматыдағы физика-математика бағытындағы Назарбаев Зияткерлік мектебінің қызметкері емес.

Министрлік НЗМ-де өз елінде бұрын сотталған мұғалімді жұмысқа алудың мән-жайын анықтау үшін қызметтік тергеуді жалғастырып жатқанын хабарлады. Назарбаев зияткерлік мектебі оқытушылар құрамының да құжаттары тексерілу үстінде.

"Алматы қаласындағы физика-математика бағытындағы Назарбаев Зияткерлік мектебінің мектеп басшылығы мен қызметкерлерін тәртіптік жауапкершілікке тарту мәселесі қызметтік тексеру қорытындысы бойынша шешілетін болады", - деді Білім бірінші вице-министрі Шолпан Қаринова.

Еске салайық, бұған дейін белсенділер Алматыдағы Назарбаев Зияткерлік мектебінде информатика пәнінің мұғалімі отбасындағы зорлық-зомбылық үшін өз елі Ұлыбританияда сотталғанын хабарлаған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Мектеп БҒМ