Биыл елордалық мектептерде соңғы қоңырау онлайн өтеді

Биыл коронавирус пандемиясына байланысты елордалық мектептерде соңғы қоңырау шарасы онлайн өтеді, - деп хабарлайды Tengrinews.kz тілшісі Нұр-Сұлтан қаласының білім басқармасына сілтеме жасап.

Биыл коронавирус пандемиясына байланысты елордалық мектептерде соңғы қоңырау шарасы онлайн өтеді, - деп хабарлайды Tengrinews.kz тілшісі Нұр-Сұлтан қаласының білім басқармасына сілтеме жасап.

"25 мамырда 1-10 сынаптарда онлайн-соңғы қоңырау шарасы, 3 маусымда мектеп бітіруші түлектерге аттестат табыстау рәсімі бұдан бұрын да хабарлағанымыздай мектеп ауласында өткізіледі. Ал балабақшалар қазіргідей "кезекші топ" режимінде жұмысын жалғастырады", - дейді Нұр-Сұлтан қаласы білім басқармасының басшысы Шолпан Қадырова.

25 мамыр сағат 11.00-де телеарналар арқылы Қазақстан Республикасы Білім және ғылым министрі Асхат Аймағамбетов түлектерді құттықтайды. Сонымен қатар, сол күні барлық мектептерде мүмкіндігінше ата-аналардың, қамқорлық кеңес мүшелерінің, бизнес өкілдерінің, мектепті үздік бітірген бұрынғы түлектердің қатысуымен 1-10 сыныптарға арналған онлайн-соңғы қоңырау өткізіледі. Аталған шара еркін кесте бойынша өтеді.

Биыл мектеп бітіру іс-шарасы ҚР Білім және ғылым министрлігінің нұсқаулығы бойынша "Birgemiz: ТҮЛЕК-2020" ұранымен өтеді. 3 маусымда барлық мектепте 11 сынып түлектері үшін аттестаттар мен "Алтын белгіні" тапсыру рәсімі өткізіледі.

Іс-шара мектеп аумағында, ашық аспан астында ұйымдастырылады. Мектеп бітірушілердің мектеп формасымен қатысуы қатаң түрде ескертіледі. Салтанатты рәсімнен кейін "Түлектер аллеясында" ағаш отырғызу жоспарлануда. Бітіру іс-шараларын өткізу күндері мектеп әкімшілігіне құқық бұзушылыққа жол бермеу, санитарлық және эпидемияға қарсы режимді қатаң сақтау шаралары жүктелген.

18 мамырдан бастап меншік нысанына қарамастан барлық мектепке дейінгі ұйымдар санитарлық-дезинфекциялық режимді сақтай отырып, өз жұмыстарын бірінші кезекте баланы үйде қалдыруға мүмкіндігі жоқ, жұмыс істейтін ата-аналар үшін, ата-аналардың қалауы бойынша "кезекші топтар" режимінде қайта бастады.

Айта кетейік, елордада жалпы контингенті - 55 708 бала, түрлі типтегі 377 мектепке дейінгі ұйым жұмыс істейді. Оның ішінде: мемлекеттік - 94, жекеменшік - 237, олардың 214-де мемлекеттік білім беру тапсырысы орналастырылған, 43 шағын орталық, 3 ведомстволық мекеме бар. Орта білім беру ұйымдарының мектепалды топтарында 3 485 бала оқиды.

1 маусымнан бастап балабақшалардың жұмысы "кезекші топ" режимінде жалғасады.

Қазақстан жаңалықтары. Соңғы жаңалықтар. Telegram желісінде бізге жазыл!

Мектеп Нұр-Сұлтан соңғы жаңалықтар