Биыл мұсылман қауымының ұлық мерекесі - Құрбан айт мейрамы жоғары деңгейде, ұлттық нақышта өтеді, - деп хабарлайды Tengrinews.kz тілшісі Қазақстан мұсылмандары діни басқармасына сілтеме жасап.
"Бас мүфти Ержан қажы Малғажыұлы облыс, қала, аудан, ауыл имамдарына жолдаған ресми хатта мешіт аулаларына киіз үйлер тігіп, ұлттық ойын түрлерінен арнайы жарыстар өткізу, құрбандық еттерін мұқтаж жандарға үлестіру, қайырымдылық акциялар ұйымдастыру шараларын жүзеге асыру қажет екенін айтты", - деп жазылған баспасөз хабарламасында.
Сонымен биыл еліміздің мұсылман қауымы Құрбан айтты 24 қыркүйекте атап өтеді. Айта кетсек, бұл күні халқымыз Құрбан айттың құрметіне бір күн демалады.
