Назарбаев қазақстандықтарды әлемдік дағдарысты жеңетінімізге сендірді, - деп хабарлайды Tengrinews.kz тілшісі. Ол барлық қиындықтың уақытша екенін айтты.
"Алдымыздағы кезең біз үшін уақыша қиындық болады. Біз әлемдік бұл дағдарысты да жеңіп шығамыз. Ол үшін бізде еркіндік, берік дәстүр, халықтың ынтымағы бар. Қазақстанды дамудың жаңа кезеңіне әкелеміз", - деді Назарбаев халыққа Жолдауын жариялауды қорытындылай келе.
"Барлық дағдарыс өтіп кетеді. Қазақтардың басынан өтпегені жоқ. Кез келген қиындықты жеңуге болады. Ең басты құндылығымыз - елдің тәуелсіздігі, халықтың жарқын болашағы мен айқын мақсаттары. Кедергіге кезіккен кезде тоқтап қалмаңыздар. Біз әлемнің дамыған 30 елінің қатарына кіреміз", - деді Мемлекет басшысы.
