+7 (777) 001 44 99
Қазақша
Русский
English
Батыс Қазақстан облысы Ақжайық аудандық соты 56 жастағы Ақжайық аудандық электр станциясының бұрынғы басшысы Бауыржан Биғалиевке қатысты үкім шығарды, - деп хабарлайды Tengrinews.kz тілшісі "Мой город" басылымына сілтеме жасап.
Ер адамға қайғылы жағдайға әкеліп соқтырған қызметтік міндеттеріне немқұрайлы қарады деген айып тағылды. Оқиға 2022 жылғы 24 мамырда Жанғалы ауданы, Жаңақазан ауылында болған апат туралы. Одан кейін 4 жасар Аманжол Орынбекұлын қатты ток соққан. Нәтижесінде ол екі қолынан айырылды. Енді оған ұзақ оңалту және мүгедектік тіркеуі қажет. Былтыр қарашада балаға бионикалық протездер орнатылған еді.
Сот аудандық электр станциясының экс-басшысын кінәлі деп танып, үш жыл мерзімге энергетика саласында басшылық қызмет атқару құқығынан айыра отырып, екі жылға бас бостандығынан айыру жазасын тағайындады.
Сонымен қатар, судья Әлібек Нұрғалиев баланың анасының азаматтық талап арызын ішінара қанағаттандыру туралы шешім шығарды. Осылайша, ZapKaz REK ЖШС моральдық шығын үшін Аманжол Орынбекұлының анасына 30 миллион теңге төлеуге тиіс.
Бауыржан Биғалиев сот шешімімен келіспеді.
Соттың үкімі заңды күшіне енген жоқ және оған шағым жасауға болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
