+7 (777) 001 44 99
ПОДЕЛИТЬСЯ
Батыс Қазақстан облысында төрт аудан мен Орал қаласы су астында қалу қаупі бар. Бұл туралы өңірлік коммуникация қызметінің баспасөз мәслихатында айтылды, - деп хабарлайды Tengrinews.kz тілшісі.
Батыс Қазақстан облысында төрт аудан мен Орал қаласы су астында қалу қаупі бар. Бұл туралы өңірлік коммуникация қызметінің баспасөз мәслихатында айтылды, - деп хабарлайды Tengrinews.kz тілшісі.
Тасқынға қарсы бөгет жасау үшін 153 миллион теңге бөлінген. Су тасқыны жайлы алдын ала наурызда ескертеді. Бірақ, биыл жағдай өзгеше. Қар жамылғысы облыс аудандарында деңгейі 2-2,5 есе жоғары болды. "Казгидромет" РММ филиалындағылар су тасқыны Қазтал, Амангелді, Жәнібек және Бәйтерек аудандарында болуы мүмкін екенін айтты.
"Батыс Қазақстанда өзендердің су деңгейі негізгі нормадан 50-100 пайызға жоғары. Аймақтың алты өзенінде су деңгейі екі есе жоғарылап кеткен. Биыл күшті су тасқыны болуы ықтимал" - деді Батыс Қазақстан облысы "Казгидромет" РММ филиалының басшысы Нұржан Шияп.
Қала түбінде 75 саяжай орналасқан. Қыста ол жақта 14 мыңдай адам тұрады, олардың 5 мыңы балалар. Ол саяжайлар су астында қалатын болса, бірінші ретте осы жердегі адамдардың көшірілетінін айтты. Оралда 28 құтқару бекеті бар. Облыс орталығының қауіпті аймақтары да айтылды.
"Орал қаласында: Жұлдыз, Куреня, Мясокомбинат, ПДП-2, Дерул ауылында, Второй рабочий, Ескі әуежай, Лесозащитная, Физкультурная көшелері", - деді БҚО Төтенше жағдайлар департаменті басшысының орынбасары Ақылбек Ахметжанов. Егер апат болған жағдайда, облыс қорындағы 884 миллион теңге төтенше жағдайдың салдарын жоюға жұмсалады.
