![Сурет Midjourney нейрондық желісі арқылы жасалынды](/userdata/news_kk/2024/news_361847/thumb_b/photo_124343.png)
БҚО-да жолдарды тиісінше ұстамағаны үшін 160 лауазымды тұлға әкімшілік жауапкершілікке тартылды, - деп хабарлайды Tengrinews.kz тілшісі.
БҚО-да жолдарды тиісінше ұстамағаны үшін 160 лауазымды тұлға әкімшілік жауапкершілікке тартылды, - деп хабарлайды Tengrinews.kz тілшісі.
БҚО аумағы арқылы өтетін халықаралық және республикалық маңызы бар жолдарға жүргізілген көктемгі кешенді зерттеу нәтижелері бойынша көптеген кемшіліктер анықталды. Атап айтқанда жолдағы шұңқырлар, шөгулер, ойықтар, сондай-ақ жол белгілерінің болмауы және т.б. жолда жүру қауіпсіздігіне тікелей әсер етеді.
Осыған байланысты "ҚазАвтоЖол" ҰК АҚ Батыс Қазақстан облысы бойынша филиалының атына БҚО ПД Әкімшілік полиция басқармасы орындау мерзімдерін белгілей отырып, кемшіліктерді жою туралы нұсқама жолдаған.
Алайда, қайтадан бақылау мақсатында жүргізілген тексеру кезінде кемшіліктердің жойылмағаны, нұсқамалардың орындалмағаны анықталды. Осыған байланысты "ҚазАвтоЖол" ҰК АҚ БҚО бойынша филиалына қатысты ӘҚБтК-нің 462-бабы 3-бөлігі бойынша әкімшілік іс қозғалды және сот тәртібімен 1 млн.292 мың 200 теңге көлемінде айыппұл салынды.
Жалпы, ағымдағы жылдың 7 айының қорытындысы бойынша Батыс Қазақстан облысы Полиция департаментінің бөліністері жолдарды тиісінше ұстамағаны үшін 160 лауазымды тұлғаны, оның ішінде 70 бірінші басшыны әкімшілік жауапкершілікке тартты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!