+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мәжіліс депутаты Мәди Ахметов Қазақстанда бір реттік электрон темекі мен вейп сатуға тыйым салып, оларды сатылымнан алып тастауды ұсынды, - деп хабарлайды Tengrinews.kz тілшісі.
Мәжіліс депутаты Мәди Ахметов Қазақстанда бір реттік электрон темекі мен вейп сатуға тыйым салып, оларды сатылымнан алып тастауды ұсынды, - деп хабарлайды Tengrinews.kz тілшісі.
Ахметов мектеп оқушылары электрон темекіні белсенді түрде сатып алып жатқанын айтты. Оның айтуынша, оқу жылының басынан бері оқушылар арасында сұраныс екі есеге артқан.
"Өскелең ұрпақтың санасын түтінмен улайтын бір реттік электрон темекі дәуірі келді. Бір реттік темекі пайда болысымен жағдай күрт өзгерді: вейп танымал бола бастады, темекі сөрелерден алынып, бір рет қолданылатын темекіге ауыстырылды. Құрамындағы никотин қарапайым темекіге қарағанда 2,5 есе жоғары. Нәтижесінде, вейп көбейіп мемлекеттің никотинді шектеу жөніндегі ауқымды күш-жігері жоққа шықты. Бағасы 2000 теңге, кәмелетке толмағандарға еркін сатылады", - деді депутат премьер-министрдің орынбасары Ералы Тоғжановқа жолдаған сауалында.
Денсаулық сақтау және денсаулық сақтау жүйесі кодексі 21 жасқа толмаған адамдарға темекі өнімдері мен электрон темекіні, сондай-ақ өнімнің сапасын растайтын тиісті құжаттары жоқ өнімдерді сатуға тыйым салады. Сондай-ақ, оларды оқу орындарына жақын орналасқан дүкен сөрелерінде сатуға болмайды.
Депутат Қоғамдық денсаулық сақтау ұлттық орталығының 2019 жылғы зерттеу нәтижелерін келтірді. Олардың айтуынша, соңғы жылдары 11-15 жас аралығындағы жасөспірім ұлдар арасында электрон темекі шегушілер саны үш есеге, қыздар арасында екі есеге артқан.
"Электрон және бір рет қолданылатын темекіге 35 елде тыйым салынған және 65 елде арнайы шаралар қолданылады. Олар бізге Қытайдан ешқандай сертификатсыз немесе шектеусіз келеді. Вейп құрамы әлі анықталған жоқ. Арнайы зерттеулер жоқ және никотин дозасын ешкім бақыламайды.
Заңсыз және ешбір техникалық регламентке сай келмейтін бір реттік вейп әлі күнге дейін кеден арқылы ішкі нарыққа тұрақты түрде жеткізіліп жатқаны қалай? Бұл процеске тікелей жауапты құзырлы органдар қайда? Мән-жайды анықтап, кінәлілерді жауапқа тартуыңызды сұраймыз", - деді депутат.
Мәди Ахметов бір рет қолданылатын вейп құрамын зерттеп, нәтижесін халыққа жеткізуге шақырды.
"Құзырлы органнан жағдай анықталғанша бір реттік темекілерді тез арада тәркілеуді сұраймыз. Мектеп жанындағы дүкендерге қоғамдық бақылау ұйымдастырып, заңбұзушыларға қатаң шара қолдану қажет. Мектеп жанындағы дүкендерге қоғамдық бақылау ұйымдастыру және заңбұзушыларға қатаң шара қолдану керек", - деп қосты ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
