Бүгін еліміздің басым бөлігінде тұман түсіп, көктайғақ болады деп хабарлайды Tengrinews.kz тілшісі "Қазгидромет" кәсіпорнына сілтеме жасап.
"Қазақстан аумағының көп бөлігі антициклон ықпалында болып, жауын-шашынсыз ауа райы қалыптасады. Атмосфералық таралымдардың өтуіне байланысты шығыста, оңтүстік пен қиыр солтүстікте ауа райы тұрақсыз болады, кей жерлерде жауын-шашын болып, жел күшейеді, жекелеген аудандарда тұман түсіп, көктайғақ болады", - делінген хабарламада.
Бүгін таңертең Шығыс Қазақстан, Жамбыл, Оңтүстік Қазақстан, Ақмола, Маңғыстау, Солтүстік Қазақстан, Қостанай, Қызылорда, Батыс Қазақстан және Қарағанды облыстарында тұман түскен. Бұл өңірлерде күндіз жел екпіні 15-20 м/с-ке дейін күшейеді деген болжам бар. Еске сала кетейік, бұған дейін наурыздың 20-сы күні кешкісін Алматы қаласы аумағында және наурыздың 2-сі күні солтүстік, батыс және оңтүстік өңірлерде қалың тұман түскен болатын.