Біз бабалар өсиетін орындаймыз - Тоқаев түркі мемлекеттерінің саммиті туралы

Дина Шарипханова Корреспондент

Фото: Ақорда

Түркі мемлекеттері ұйымының мерейтойлық саммитінде Президент Қасым-Жомарт Тоқаев мемлекет басшылары бабалар өсиетін орындап, түркі елдері арасындағы ынтымақтастықты нығайтып жатқанын айтты, - деп хабарлайды Tengrinews.kz тілшісі Ақордаға сілтеме жасап.

Түркі мемлекеттері ұйымының мерейтойлық саммитінде Президент Қасым-Жомарт Тоқаев мемлекет басшылары бабалар өсиетін орындап, түркі елдері арасындағы ынтымақтастықты нығайтып жатқанын айтты, - деп хабарлайды Tengrinews.kz тілшісі Ақордаға сілтеме жасап.

"Қазақстанның бастамасымен құрылған Түркітілдес мемлекеттер ынтымақтастығы кеңесі қазір толыққанды беделді халықаралық ұйымға айналды. "Түркі әлемінің келешегі – 2040" атты құжат бекітілді. Ең бастысы, бауырлас елдердің бірлігін бекемдей түстік. Ортақ құндылықтарымызды төрткүл дүниеге таныттық.

Біз бабалар өсиетін орындап, түркі елдерінің ынтымағын нығайтып келеміз. Ендігі мақсат – өзара сенімге және бауырластыққа негізделген бірлігімізді сақтап, өскелең ұрпаққа табыстау.

Түркі әлемі жаһандық ықпалы бар елдермен тең дәрежеде қарым-қатынас жасап отыр. Басқа мемлекеттер біздің ұйымның ұстанымдарына баса мән беретін болды. Сондықтан, түркі халықтарының ықпалдастығын арттыра түсу – бәрімізге ортақ міндет", - деді Президент.

Сілтемесіз жаңалық оқисыз ба? Онда Telegram желісінде парақшамызға тіркеліңіз!