+7 (777) 001 44 99
Қазақша
Русский
English
Черногория билігі "НеМолчи.kz" қорының басшысы Дина Таңсәріні (Динара Смайылова) қамаудан босатты. Бұл туралы Instagram-да nemolchikz_official мәлімдеді, - деп хабарлайды Tengrinews.kz тілшісі.
"Дина босатылды! Черногория Жоғарғы соты Динаны экстрадициялаудан бас тартты! Барлығыңызға көп рақмет!" - деп жазылған қор парақшасында.
Посмотреть эту публикацию в Instagram
Айта кетейік, бұған дейін "НеМолчи.kz" қорының басшысы Дина Таңсәрі (Динара Смаилова) Черногорияда ұсталғанын мәлімдеді. Ол 14 сәуірде Астана уақытымен шамамен 18:30-да видеоүндеу жолдап, полиция бөлімшесінде отырғанын айтып, 15 сәуірде экстрадиция мәселесі бойынша сот өтетінін хабарлады.
2024 жылы желтоқсанда Алматы, Шығыс Қазақстан және Алматы облыстарының Полиция департаменттері "НеМолчи.kz" қорының жетекшісі Динара Смайыловаға (Дина Таңсәрі) қатысты алты қылмыстық істі тергеп жатқанын мәлімдеген болатын. Көрінеу жалған ақпарат тарату, жеке өмірге қолсұқпау құқықтарын бұзу, сонымен қатар, алаяқтыққа байланысты екі іс бойынша тергеу жүргізіліп жатқаны айтылды.
Бұған дейін Дина Таңсәріге іздеу жарияланып, "НеМолчи.kz" қорының есепшоттары бұғатталған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
