+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Шығыс Қазақстан облысының әкімі Даниал Ахметовтің баспасөз хатшысы Ерлан Жақыпов әкімнің жұма намазға қатысты шектеуіне пікір білдірді, - деп хабарлайды Baq.kz тілшісі.
Шығыс Қазақстан облысының әкімі Даниал Ахметовтің баспасөз хатшысы Ерлан Жақыпов әкімнің жұма намазға қатысты шектеуіне пікір білдірді, - деп хабарлайды Baq.kz тілшісі.
Кеше баспасөз беттерінде Шығыс Қазақстан облысының әкімі Даниал Ахметов шенеуніктерге жұма сайын мешіт жағаламай, жұмыс істеуге кеңес берді деген мақалалар көптеп шыққан еді.
"Аймақ басшысы Даниал Ахметов облыс әкімдігінің әрбір отырысында алдымен елдегі тұрақтылық, ұлтаралық татулық пен діни радикализмнің алдын алу тақырыптарында ұдайы сөз қозғап, департаменттер мен басқармалар, қалалар мен аудандар әкімдеріне тиісті тапсырма беріп, олардың орындалуын жіті қадағалап отырады. Бұл мәселе облыс әкімінің басты назарында.Күні кеше өткен әкімдік отырысында облыс басшысы мешітке жұмыс уақытында баруға болмайтындығын айтып, жұма намазын сылтауратып жеке бас шаруаларын бітіретін қызметкерлерді тәртіпке шақырды. Сондықтан облыс басшысы "Конституция принциптерін құрметтеу баршамызға міндет, зайырлы қоғамда өмір сүреміз соны ұмытпаңыздар" деген болатын", - деді баспасөз хатшысы.
Оның айтуынша, әкім өз сөзінде "мешітке мүлде бармаңдар, діннен аулақ болыңдар" деп үгіт-насихат жүргізбеген.
"Әкімнің олай айтып тұрмағанын көзі ашық, көкірегі ояу әрбір адамның ұққаны анық. Тек мемлекеттік қызметте ғана емес, кез келген мекеменің ішкі тәртібінде жұмыс уақытында қызмет орнын бос қалдырып, сылтауратып кетіп қалу сынды әдеттерге шектеу қойылған. Алайда, әлеуметтік желілер мен интернет сайттарда қоғамның әртүрлі қызу пікір-таласын тудырған осы бір жайт, журналистер қауымының да өз айтарларына жоғарғы жауапкершілікпен қарауларын ескертері анық. Орайы келген осы тұста, облыс әкімі Д. Ахметов алғаш осы қызметке тағайындалған күні өңірдегі ең бірінші барған нысаны да облыстық мешіт болғанын айтпай кетпеске болмас", - деді Ерлан Жақыпов.
Айта кетейік, осыған дейін ШҚО әкімі жұмыс уақытында мешітке баратын жұмысшыларын сөккен болатын. "Доғарыңдар! Екі діни мереке бар. Құрбан айт пен Рождество. Сол кезде барыңыздар. Сіздер таңдау жасауларыңыз керек: конституциялық елде тұрасыз ба әлде басқа тағы бір жерде ме? Мен қарсы емеспін, бірақ Конституцияда жазылған: Қазақстан - бұл зайырлы мемлекет. Мұнда отырған басшылар, сіздер қызметкерлеріңіздің жұма күні сағат 12-ден бастап жұмыс орнында жоқ екенін бақылайсыздар ма?" - деген Даниал Ахметов отырыстың қатысушыларына.
