+7 (777) 001 44 99
Қазақша
Русский
English
ҚР Ұлттық банкінің төрағасы Данияр Ақышев Алматыдағы баспасөз мәслихаты кезінде әлеуметтік желілердегі сынды қалай қабылдайтынын айтты, - деп хабарлайды Tengrinews.kz тілшісі.
Ұлттық банк басшысының айтуынша, оның әлеуметтік желілерде аккаунттары жоқ. Интернет кеңістігінде жазылып жатқанның барлығын оның көмекшісі қарайды екен. "Мен сынды түсінемін, ақылмен және орнымен қабылдаймын, қажет болса қарым-қатынас жасауға дайыньыз", - деді Ақышев.
Қаржы реттеушісінің басшысы Ұлттық банктің бұдан былай БАҚ пен қоғам үшін ашық бола түсетінін жеткізді. "Ұлттық банктің ақпарат жөніндегі ашықтық саясатын ұстанатыны құр мәлімдеме күйі қалып қоймайды. (...) Біз қазіргі уақытта тілшілер қауымдастығымен де, сарапшылардың қауымдастығымен де және қарым-қатынас жасаудың қажетті жоспарын жасап жатырмыз, халық үшін де қажетті түсіндіру жұмыстарын дайындау үстіндеміз", - деді елдің бас банкирі.
