+7 (777) 001 44 99
Қазақша
Русский
English
Терапевт-дәрігер, диетолог Галина Волкова ішек микрофлорасына жағымды әсер ететін кейбір өнімдерді атады, - деп хабарлайды Tengrinews.kz тілшісі РИА Новостиге сілтеме жасап.
Маманның айтуынша, бұл тұздалған көкөністер – қияр мен қырыққабат секілді өнімдер.
"Рационға тұздалған көкөністерді – қырыққабатты, қиярды – қосуға болады. Олар ағзаны дәрумендермен ғана емес, ішек микробиотасына пайдалы пробиотиктермен де қамтамасыз етеді", – деді Волкова.
Дәрігердің айтуынша, тұздалған көкөністерден бөлек, көктемде ағзаға мұздатылған жидектер мен көкөніс қоспалары да жақсы әсер етеді. Олар көктемде жаңа піскен көкөністер мен жемістер аз болатын кезеңде қолданылады, себебі дұрыс мұздату кезінде олардың құрамындағы дәрумендер мен минералдар іс жүзінде толығымен сақталады.
"Көктемде жаңа өнімдер мол болмаса да, әрдайым теңгерімді тамақтанып, денсаулықты нығайтуға мүмкіндік беретін қолжетімді нұсқалар табылады", – деді диетолог.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
