"Дәрігерлер обаға қарсы костюмдерді өзі тігеді" - Денсаулық сақтау басқармасы хабарламаға қатысты пікір білдірді

Алматы қалалық Қоғамдық денсаулық сақтау басқармасы жедел жәрдем қызметкерлері обаға қарсы костюмдерді бір рет пайдаланылатын жаймадан тігуге мәжбүр деген мәліметті жоққа шығарды, - деп хабарлайды Coronavirus2020.kz.

Алматы қалалық Қоғамдық денсаулық сақтау басқармасы жедел жәрдем қызметкерлері обаға қарсы костюмдерді бір рет пайдаланылатын жаймадан тігуге мәжбүр деген мәліметті жоққа шығарды, - деп хабарлайды Coronavirus2020.kz.

"Бұл мәлімет шындыққа жанаспайды. Алматы қаласының жедел жәрдем бригадасы барлық құралмен-жабдықпен қамтамасыз етілген. Бүгінде станцияларда 400-ден аса обадан қорғайтын костюм бар", - делінген хабарламада.

Сондай-ақ, жедел жәрдем бригадасының әр көлігінде санитарлық-эпидемиологиялық норма бойынша тазарту жұмыстары жүргізілетіні айтылады.

Айта кетейік, соңғы ресми деректер бойынша Қазақстанда коронавирус жұқтырғандардың саны 88-ге жетті. "Осы сағатта Нұр-Сұлтан қаласы бойынша 46 адам, Алматы қаласында – 34 адам, Қарағанды қаласында - 2, Шымкент қаласында - 2 адам, Алматы облысында - 1 адам, Ақтөбе облысында - 1 адам, Жамбыл облысында -1 адам, Солтүстік Қазақстан облысында - 1 адам жалпы 88 науқас тіркелді", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!

коронавирус Алматы Төтенше жағдай