+7 (777) 001 44 99
Қазақша
Русский
English
Дели әуежайында жалған билетпен жүрген қазақстандық ұсталды. Бұл туралы Қазақстанның Сыртқы істер министрлігінің ресми өкілі Айбек Смадияров айтты, - деп хабарлайды Tengrinews.kz тілшісі.
"Дели әуежайында Қазақстан азаматы ұсталды. Үндістандағы Қазақстан елшілігінің консулдық бөліміндегілер бұл мәселені бақылауда ұстап отыр. Полицияның мәліметінше, ереже бұзушыға 10 мың рупия көлемінде айыппұл салынуы мүмкін. Әуежай қызметкерлерінің айтуынша, ол қамауға алынған жоқ. Оны ұстаған, бірақ қажетті хаттамалар толтырылған соң ол бостандыққа шықты", - деп хабарлады СІМ ресми өкілі брифинг барысында.
Ведомство мәліметінше, әуежайдағылар қазақстандықтың паспортын алып қойды. Құжат тек айыппұл төленген соң әкімшілік сотта қайтарылады. Алдын ала мәлімет бойынша, жалған билетті қазақстандық әуекомпаниясы жасаған.
