+7 (777) 001 44 99
Қазақша
Русский
English
Зерендідегі демалыс базаларының бірінде жаттықтырушылар жанжал шығарды. Оқиғаның жалғасы белгілі болды, - деп хабарлайды Tengrinews.kz тілшісі.
Не болған?
Зерендідегі демалыс базаларының бірінде өзін жаттықтырушылармыз деген ер адамдар жанжал шығарды. Хабарламаға сәйкес, ер адамдар ішімдік ішіп, өзгенің бөлмесіне кірмек болған, әйелдер мен балаларды қорқытып, түн ортасында айқайлап, балағат сөздер айтқан, кейін полициямен жанжалдасқан.
Посмотреть эту публикацию в Instagram
Tengrinews.kz тілшісіне жауап берген Қазақстанның қоян-қолтық ұрыс федерациясы даулы видеодағы адамдардың бірінің есімін атап, оның федерация қызметкері емес екенін хабарлады.
"Ол федерацияда ресми түрде жұмыс істемейді, "Дарын" спорт кешенінде залды жалға алады. Сол күні "Дарын" спорт кешенінің қызметкерлері аталған демалыс базасында демалып, кешке үйлеріне қайтып кеткен, коттеджді жалға алу ақысын өз қаражаттарынан қолма-қол төлеген – федерация қаржысы есебінен емес. Зейноллаев сол демалыс орнында қалған және түнгі 12-де әкімшілік құқықбұзушылық жасаған", – деп мәлімдеді федерация өкілдері.
Посмотреть эту публикацию в Instagram
Кейін құқықбұзушыға қатысты полиция қызметкерлері Әкімшілік кодекстің үш бабы бойынша материал толтырғаны белгілі болды. Зеренді аудандық сотының шешімі бойынша, оған әкімшілік қамау жазасы тағайындалған.
Қылмыстық іс және лицензиядан айыру
Ақмола облыстық ПД мәліметінше, қызметтік міндетін атқару кезінде полиция қызметкерін көпшілік алдында қорлаған ер адамның заңсыз әрекетіне байланысты қылмыстық іс қозғалған.
"Алдын ала тергеу барысында оқиғаның барлық мән-жайы анықталып, басқа қатысушылардың әрекетіне де құқықтық баға беріледі... Полиция департаменті қылмыстық іс аясында осы азаматты жаттықтырушы лицензиясынан айыру туралы ұсынысты уәкілетті органға жолдады", – деп хабарлады полиция.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
