+7 (777) 001 44 99
Қазақша
Русский
English
Алматы әкімінің орынбасары Сапарбек Тұяқбаев 27-28 маусымда демалыс күндеріне енгізілген жаңа шектеу шараларын түсіндірді, - деп хабарлайды Tengrinews.kz тілшісі.
Ол осы демалыс күндері ереже алдыңғы аптамен салыстырғанда әлсіздеу болатынын хабарлады. Атап айтқанда, 27-28 маусымда туристік нысандар жұмыс істей береді.
"Саябақтар, скверлер, Медеу, Шымбұлақ, сондай-ақ, Панфилов көшесі мен Арбат жаяу жүргіншілер серуендеуі үшін ашық болады. Үйде отыру да зиян", - деді Алматы әкімінің орынбасары.
Ол сондай-ақ автожанармай құю станциялары да жұмыс істейтінін айтты.
Еске салайық, Алматы қаласында қосымша карантиндік шектеу шаралары 27 маусым сағат 00.00-ден бастап, 29 маусым cағат 00.00-ге дейін күшін жоймайды.
Қабылданған шешімге сәйкес көрсетілген кезеңде коронавирустық инфекцияның таралу қаупі жоғары жабық объектілердің қызметі тоқтатылады:
- ірі сауда желілері (азық түлік, азық түлік емес), үйдегі дүкендер түріндегі филиалдарын қоспағанда
жабық базарлар (азық-түліктік, азық-түліктік емес, әмбебап), сауда-ойын-сауық орталықтары, сауда орталықтары, сауда үйлері;
- қоғамдық тамақтану нысандары, көшедегі форматтағы ашық ауадағы нысандарды қоспағанда, әлеуметтік қашықтықты және санитарлық-эпидемиологиялық нормаларды сақтай отырып;
- фитнес-орталықтар.
Қазақстан жаңалықтары. Соңғы жаңалықтар. Telegram желісінде бізге жазыл!
