+7 (777) 001 44 99
Қазақша
Русский
English
Қазақша
Русский
English
Қазақстанда аптаптың беті әзір қайтпайды - 23-25 тамыз күндері тағы да ыстық болады, - деп хабарлайды Tengrinews.kz тілшісі "Қазгидромет" РМК мамандарының мәліметіне сілтеме жасап. Солтүстік өңірлерде ғана өткінші жаңбыр жауып, ауа температурасы сәл төмендейді.
"Күнтізбе бойынша жаз өтіп бара жатыр, бірақ жазғы ауа райы жалғасады. Қазақстанның батыс, оңтүстік және шығыс облыстарында демалыс күндері ыстық ауа райы сақталады. Күндізгі температура +30…+38º, кей жерлерде +40º дейін, ол осы кезең үшін қалыпты жағдайдан 5…10 градусқа жоғары", - делінген таратылған хабарламада.
Дегенмен жексенбі күні солтүстік облыстардың кей жерлерінде күн күркіреп, өткінші жаңбыр жаууы мүмкін, дүйсенбі күні осы облыстардың барлық ауданында жаңбыр жауады, температура сенбі-жексенбі күндері 28-30 градус жылыға дейін, дүйсенбі күні 20-28 градус жылыға дейін төмендейді.
