Синоптиктер 23-25 желтоқсан күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Cиноптиктердің мәліметінше, бірнеше облыста қар жауып, бұрқасын болып, күшті оңтүстік-батыс желі соғып, көктайғақ болуы мүмкін.
"Сібір антициклонының тау сілемдері Қазақстанның басым облыстарында жауын-шашынсыз ауа райын әлі де ұстап тұр. Оның орнына жылы және дымқыл ауа массалары қысымының күшінен ауа температурасының көтерілуі күтілетін Оңтүстік-Каспийлік циклон келеді", - деді "Қазгидромет" өкілдері.
