Синоптиктер 2016 жылдың 25-27 маусым күндеріне арналған ауа райы болжамын жария етті. Мамандардың айтуынша, демалыс күндері еліміздің басым бөлігінде жауын-шашын күтіледі, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Сонымен, Алдымыздағы демалыс және дүйсенбі күндері Қазақстан территориясына, Солтүстік Урал аудандарынан солтүстік-батыс тропосфералық ағымдармен ылғалды ауаның келуі толастамайды. Сол себепті, республикамыздың көп облыстарында жауын-шашынды және бұршақты, тұрақсыз ауа-райы күтіледі. Температура, осы кезеңдік, көпжылдық климаттық норма деңгейінде және одан төменірек көрсеткіште болады. Дүйсенбі күні циклонның жандануына байланысты, солтүстік облыстарда жаңбыр нөсерге айналуы мүмкін", - делінген хабарламада.
Ал оңтүстік пен оңтүстік-шығыста суық фронттардың күшеюімен бұл жерлерде, әсіресе таулы аймақтарда да жаңбыр болуы ықтимал.
