+7 (777) 001 44 99
Қазақша
Русский
English
Қазақстанның 7 өңірінде ауа райының қолайсыздығына байланысты ескерту жарияланды. Демалыс күндері еліміздің солтүстігінде күн жаңбырлы болса, оңтүстігінде 42 градусқа дейін ыстық болады, - деп хабарлайды Tengrinews.kz тілшісі Қазгидромет РМК орталығына сілтеме жасап.
Солтүстік Қазақстан облысының кей жерлерінде найзағай ойнап, күшті жаңбыр жауады. Жел жылдамдығы секундына 15-20 метр.
Қостанай облысының кей жерлерінде найзағай, дауыл, бұршақ болады. Оңтүстік-батыстан солтүстік-батысқа ауысатын жел болады, кей жерлерде жылдамдығы секундына 15-20 метрге жетеді.
Алматы облысында ауа температурасы күндіз 31-36 градусқа дейін көтеріледі.
Жамбыл облысында 33-38 градус ыстық болады.
Таразда 7-8 шілдеде ауа температурасы 36-38 градусқа дейін жетеді.
Қызылорда облысында аптап 42 градусқа жетеді.
Түркістан облысында ауа температурасы 40 градустан аспайды. Кей жерлерде жел секундына 15-20 метр болады.
6 шілдеде түнде Атырау облысында күн күркірейді.
