+7 (777) 001 44 99
Қазақша
Русский
English
16 қаңтар 2019 | 11:20
Денис Теннің өлімі: Прокурор сотталушыларды 20 жылға бас бостандығынан айыруды сұрады
Алматыда Денис Теннің өлімі бойынша сот отырысы өтіп жатыр, - деп хабарлайды Tengrinews.kz тілшісі сот залынан.
ПОДЕЛИТЬСЯ
Алматыда Денис Теннің өлімі бойынша сот отырысы өтіп жатыр, - деп хабарлайды Tengrinews.kz тілшісі сот залынан.
Сот алдына Арман Құдайбергенов, Нұралы Қиясов пен Жанар Толыбаева келді. Прокурор Қуандық Досовтың айтуынша, сот отырыстары барысында күдіктілердің кінәсі толықтай дәлелденді.
Арман Құдайбергенов "Ұрлық" "Қарақшылық", "Адам өлтiру" баптары бойынша айыпталып жатыр. Нұралы Қиясов та дәл сол баптар бойынша айыпталып жатыр ("Ұрлықтан" басқа). Жанар Толыбаева "Ұрлық" және "Қылмыс туралы хабарламау" баптары бойынша айыпталып отыр.
"Арман Құдайбергеновті айыпты деп танып, 20 жылға бас бостандығынан айыруды сұраймын, жазасын максималды қауіпсіздік мекемесінде өтесін. Нұралы Қиясов айыпты деп танылып, 20 жылға бас бостандығынан айырылсын, жазасын максималды қауіпсіздік мекемесінде өтесін. Жанар Толыбаеваны айыпты деп танып, оны 4 жылға бас бостандығынан айыруды сұраймын", - деді прокурор Досов.
Сондай-ақ, мемлекеттік айыптаушы соттан жәбірленушілерге өтемақы төлеу қорының пайдасына Құдайбергенов пен Қиясовтан 30 АЕК көлемінде (75 750 теңге), ал Толыбаевадан 20 АЕК көлемінде (50 500 теңге) ақша өндіріп алуды сұрады.
"Менің оған шамам келмеді". Арман Құдайбергенов Денис Тенмен төбелесі жайлы
Еске салайық, былтыр 19 шілдеде Алматыда белгісіз біреулер Денис Тенді пышақтап кеткен болатын. Оқиға шамамен 15.00-де Құрманғазы мен Байсейітова көшелерінің қиылысында болған. Кейін қалалық ІІД өкілдері Денис Тенге автоұрылар шабуыл жасағанын мәлімдеді. Сөйтсек, спортшы ұрылардың үстінен түскен болып шықты. Жанжал кезінде спортшының аяғына пышақ тиіп, көп қан жоғалтқан. Ол ауруханада көз жұмды.
Адвокат: Денис Тен тапсырыспен өлтірілді
Кейінірек Құрманғазы мен Байсейітова көшелерінің қиылысында даңқты мәнерлеп сырғанаушы Денис Теннің құрметіне ескерткіш орнатылатыны хабарланған еді. Сондай-ақ, оған "Халық қаhарманы" атағын беру ұсынылған болатын.
Показать комментарии
Читайте также
