+7 (777) 001 44 99
Қазақша
Русский
English
Денсаулық сақтау вице-министрі Марат Шоранов Қазақстанда коронавирустың жаңа "омикрон" штамын жұқтырғандар жоқ екенін айтты, - деп хабарлайды Tengrinews.kz тілшісі.
"Бүгінге дейін Қазақстанда "омикрон" штамы анықталған жоқ, вирустың секвенциясы бойынша жұмыс жалғасып жатыр, біз бұл жұмысты ай сайын тұрақты түрде жүргіземіз. Бүгін Үкімет отырысында да жұмысты жалғастыру және күшейту туралы қосымша шешім қабылданды. Нәтижесі желтоқсанның үшінші онкүндігінде белгілі болады", - деді вице-министр Үкімет отырысында.
Оның айтуынша, "омикрон" штамы ПТР тестіне сезімтал.
"Бұл дегеніміз - ПТР тестілеуі барлық науқастарды анықтайды. Бірақ мұны істеу үшін бізге вирустың қосымша реттілігін жүргізу керек, бұл өте көп уақытты қажет ететін, ұзақ процесс. Шамамен, 2-4 апта кетеді. Біз бұл жұмысты енді бастадық, желтоқсан айының соңында Қазақстан аумағында айналымдағы штамдардың түрлері туралы толық ақпарат болады", - деді Шоранов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
