+7 (777) 001 44 99
Қазақша
Русский
English
Мәжіліс депутаты Константин Авершин Алматы әуежайының VIP-терминалы ғимаратын бұзудың заңдылығын тексеруге шақырды, - деп хабарлайды Tengrinews.kz тілшісі.
Мәжіліс депутаты бас прокурор Берік Асыловқа жолдаған депутаттық сауалында түркиялық TAV Airports Holding-ке сатылған Алматы әуежайында жүргізіліп жатқан реконструкция жұмыстары халық наразылығын тудыратынын атап өтті. Әңгіме 1936 жылы салынған, сәулет ескерткіші ретінде танылған ескі әуежай ғимараты туралы болып отыр.
"Тағы бір рет қайталап айтамын, TAV Airports Holding компаниясының жасап жатқаны - бұл сәулет ескерткішін көшіру емес, оны бұзу. Бұл Джоконданың портретін өртеп, оның орнына принтерде басып шығарылған фотокөшірмені ұсынумен бірдей", - деді Константин Авершин.
Депутат шетелдік инвестор тек пайданы көздеп, тарихи мұраға немқұрайды қарайды деп есептейді.
Авершин TAV Airports Holding компаниясының ескі әуежай ғимаратын бұзуының заңдылығын тексеруге, сәулет ескерткішін бұзуға рұқсат алудың заңдылығын тексеруге, мемлекеттік қадағалау органдары тарапынан тарихи-мәдени мұра нысандарын қорғау және пайдалану туралы заңды бұзған адамдарға қатысты тиісті шаралар қабылдауға шақырды.
Еске салайық, TAV Airports Holding түрік компаниясы Алматы әуежайын 2021 жылы сатып алған. Қазір жаңа халықаралық жолаушылар терминалының құрылысы жүріп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
