+7 (777) 001 44 99
Қазақша
Русский
English
Қазақша
Русский
English
Сенат депутаты Геннадий Шиповских TikTok платформасы тудырған проблемалар туралы айтты, - деп хабарлайды Tengrinews.kz тілшісі.
Сенатордың айтуынша, көптеген мемлекеттер бұл платформаға ішінара тыйым салады.
"Бүгінде TikTok әлеуметтік желісі әлемнің түкпір-түкпірінде өте танымал. Біздің елде бұл желіні пайдаланушылар саны аз емес. Көрші елге тиесілі бұл платформаны шығармашылық адамдар жасөспірімдерді білім алуға тарту үшін пайдаланады. Бірақ мұндай контент, басқасымен салыстырғанда, аз ғана. Мен әлемдік тәжірибеге назар аударамын: мемлекеттер әртүрлі себептермен бұл платформаға ішінара тыйым салады", - деді Шиповский өзінің депутаттық сауалын айтты.
Депутаттың айтуынша, балалардың психикалық денсаулығы алаңдатады.
"TikTok-тағы кейбір контент балалардың мінез-құлқына теріс әсер етіп, жалған идеалдар мен тәуелділікке әкелуі мүмкін. Осыған байланысты Қырғызстан бұл платформаға тыйым салып, балалардың психикасын қорғау бойынша шаралар қабылдады. Ұлттық қауіпсіздік - қазіргі әлемнің басты мәселелерінің бірі. Франция және басқа елдер TikTok-та ақпарат жинау әдістеріне күмән келтіріп, берілген желіге шектеулер енгізді. Қазақстанда киберқауіпсіздікке де назар аудару өте маңызды, өйткені жеке және мемлекеттік деректерді қорғау ұлттық қауіпсіздікпен тікелей байланысты", - деді сенатор.
Сонымен қатар, Геннадий Шиповский TikTok платформасы аз қауіп төндіретін жағдайларды тізімдеді.
"Бірінші - Tik Tak экстремизм, радикализм және сепаратизмді, тым қауіпті және моральдық құндылықтарға қайшы келетін мазмұнды анықтау мен шектеудің нақты алгоритмін ұсынады. Екіншіден, TikTok платформасы кішкентай балаларды қауіпті онлайн мазмұннан қорғау мақсатында YouTube Kids сияқты балаларға арналған арнайы желіні ұсынады. Үшіншіден, 13 жасқа дейінгі балалар ата-анасының телефонынан TikTok қолданбасына кіретін болса, Face ID технологиясын қолдана отырып, оларды блоктау механизмін қарастыру", - деді депутат.
Әйтпесе, сенатор еліміздегі TikTok платформасын бұғаттау қажет деп санайды. Ол бұл мәселелерді шешу азаматтардың салауатты моральдық құндылықтарын сақтауға бағытталған қадам болатынына, сондай-ақ жастар арасында таралатын қауіпті ойындар мен әдеттердің төмендеуіне ықпал ететініне сенім білдірді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
