+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Мәжіліс депутаты Юрий Ли микроқаржы ұйымдарының озбырлығы туралы айтып, онлайн микронесие беруді қадағалайтын Қаржы нарығын реттеу және дамыту агенттігінің (ҚРРФР) қызметкерлерін тексеруге шақырды, - деп хабарлайды Tengrinews.kz тілшісі.
Мәжіліс депутаты Юрий Ли микроқаржы ұйымдарының озбырлығы туралы айтып, онлайн микронесие беруді қадағалайтын Қаржы нарығын реттеу және дамыту агенттігінің (ҚРРФР) қызметкерлерін тексеруге шақырды, - деп хабарлайды Tengrinews.kz тілшісі.
Мәжілісмен 2022 жылғы 1 шілдедегі жағдай бойынша екінші деңгейлі банктер, микроқаржы ұйымдары мен коллекторлық агенттіктер бойынша мерзімі 90 күннен өткен қарыз алушылардың жалпы саны 1 миллион 520 мың адам екенін айтты. МҚҰ несие портфеліндегі микрокредиттер бойынша берешегі бар борышкерлердің саны 38 пайыз.
"Он қарыз алушының төртеуі микроқаржы ұйымдарының борышкерлері. Сонымен қатар, МҚҰ төлемақы төлеу деңгейін жасанды түрде азайту үшін портфельдегі мерзімі өткен несиелерді коллекторлық агенттіктерге сатады, сәйкесінше, МҚҰ борышкерлерінің саны әлдеқайда көп", - деп түсіндірді депутат.
Ли бұл жағдайды тексеруге шақырды.
Ол сондай-ақ, несие алушылардың делдалдарға жүгіну тәжірибесін сынға алды. Оның айтуынша, 2021 жылдың 1 қазанынан бастап МҚҰ қарыздар бойынша мерзімі өткен берешекті реттеудің бірыңғай сотқа дейінгі тәртібі енгізілген.
"Бұл процедура қағаз жүзінде бір жылдан бері бар, бірақ әлеуметтік желілер әлі де "көмектесеміз" деген делдалдардың жарнамаларына толы. Ол көмекшілер МҚҰ-нан жаңа жеңілдетілген төлем кестесін алады, сосын борышкерге сатады. Неліктен борышкер несие берушінің өзінен мұндай кестені тегін ала алмайды?", - деді депутат.
Ол микрокредит берудегі бұзушылықтарды анықтау үшін 90 күннен аса кешіктірілген МҚҰ-ның барлық 555 000 борышкерлеріне, сондай-ақ кредиторлардың құқықтары коллекторлық агенттіктерге берілген борышкерлерге құжаттық тексеру жүргізуге шақырды.
"МҚҰ проблемалық қарыз алушылармен жұмыс істеудің ашық және тиімді тәртібін жедел енгізуді міндеттеу қажет, сонда борышкерлер делдалдардан айналып өтіп, мерзімі өткен несиелер бойынша жаңа төлем кестелерін тегін ала алады.
Мемлекеттік қызмет істері агенттігінен Қаржы нарығын реттеу және дамыту агенттігінің онлайн шағын несие сегментіне жетекшілік ететін мемлекеттік қызметшілерінің лауазымдарына сәйкестігін тексеруді сұраймыз", - деді депутат.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
