+7 (777) 001 44 99
Қазақша
Русский
English
Мәжіліс депутаттары Петропавл атауын Қызылжар деп өзгерту туралы ұсынысқа пікір білдірді, - деп хабарлайды Tengrinews.kz тілшісі.
Мәжіліс кулуарында журналистер ұсынысқа депутаттар қалай қарайтынын сұрады.
Ермұрат Бапидің айтуынша, халықтың бастамасы мақсатқа жетуі керек.
"Бірінші кезекте мұндай ұсыныс азаматтардан, қала тұрғындарынан түсуі тиіс. Егер тұрғындар мәселені өздері көтеріп, мыңдаған дауыс жинап, оларды Парламентке, билікке берсе, онда орындауда ешқандай проблема жоқ. Бұл бастама өз мақсатына жетуі керек деп санаймын. Петиция құрып, Үкіметке, мемлекетке сұрақ қою керек. Мен дайынмын (бұл мәселені Парламентте көтеруге. - еск.), мұнда ешқандай проблема жоқ", - деп түсіндірді депутат.
Журналис сауалына жауап берген депутат Айдарбек Қожаназаров мысалға туған қаласын келтіруді жөн көрді.
"Мен Қостанайданмын, бізде Федоров, Урицкий ауданы, Ленин ауданы болды. Бірақ Урицкий ауданында тұрғындардың өздері Сарыкөл ауданы деп атауды өзгертуге бастамашы болды. Ал Федоровте, керісінше, бұрынғы атауы сақталды. Біз халықаралық елміз және барлық мүддені ескеруіміз керек. Атап айтқанда, онда тұратын адамдардың мүддесін (Петропавл. - еск.) және ол туралы ойларын", - деп есептейді мәжілісмен.
"Ақ жол" фракциясының жетекшісі Азат Перуашев "Әкімшілік-аумақтық құрылымдардың атауы Мемлекет басшысының құзырында" екенін қысқаша атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
