+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Көрмені өткізу аясында туристер ең көп келетін 17 күн анықталды, деп хабарлайды Tengrinews.kz тілшісі елорда әкімдігінің медиа орталығына сілтеме жасап.
Көрмені өткізу аясында туристер ең көп келетін 17 күн анықталды, деп хабарлайды Tengrinews.kz тілшісі елорда әкімдігінің медиа орталығына сілтеме жасап.
"Көрмені өткізу кезінде 17 күнде келушілер саны көп болады. Бұл ауқымды мәдени бұқаралық шаралар өтетін күндер. Дәлірек айтсақ, Еуразиялық медиа форум, Димаш Құдайбергеновтың концерті, ТМД елдерінің ең үздік командаларының қатысуымен КВН ойындары өтеді. Әрине, осы күндері туристер легі көп болатыны сөзсіз, - деді медиа орталық тілшісіне берген сұхбатында "Астана Конвенш Бюро" ЖШС директорының орынбасары Асқар Адамбеков.
Ол Астанада ЭКСПО-ның ашылғанына аз күн өтсе де туристер легі тұрақты екенін атап өтті.
"Қай елдерден екенін нақты айта алмаймын. Бұл шекара қызметіне қойылатын сұрақ. Белгілісі, бес күн ішінде 10 мыңнан астам турист келді. Ал соңғы екі күндегі нақты санды айтсам - 5670 турист. Бұл 180 қонақ үйден алынған мәлімет. Дегенмен, қонақ үйлер мен хостелдерде бос орындар жеткілікті. EXPO көрмесі енді басталды, сол себептен, алдағы уақытта туристердің ағынын күтеміз", - деді ол.
Адамбековтің айтуынша, қазіргі таңда Елордада 197 қонақ үй мен 91 хостел бар. Сонымен қатар, ЭКСПО-2017 көрмесінің қонақтарын орналастыратын 18 жатақхана қарастырылған. Олардың тәуліктік бағасы екі мыңнан бес мың теңгеге дейін.Жатақхана орындарын брондау үшін 8 (717 2) 277-815 немесе 8 777 772 05 06 ұялы байланыс нөмірлеріне хабарласуға болады.
Бұдан бөлек, EXPO меймандарына Елорданың әр аудандарынан 10 мың қолайлы пәтер дайындалды.
