Дина Ғалиева Ұлттық банк басшысының орынбасары қызметінен босатылды

Президент Қасым-Жомарт Тоқаев Дина Ғалиеваны Ұлттық банк төрағасының орынбасары қызметінен босатты, - деп хабарлайды Tengrinews.kz тілшісі Ақорда сайтына сілтеме жасап.

"Мемлекет басшысының өкімімен Дина Төлеубекқызы Ғалиева Қазақстан Республикасы Ұлттық банк төрағасының орынбасары лауазымынан босатылды", - делінген хабарламада.

Дина Ғалиева 2015 жылдан бері Ұлттық Банк төрағасының орынбасары болып жұмыс істеді. Ұлттық банк Нұр-Сұлтанға көшкеннен кейін Алматыдағы өкілдігін басқарды.

2005 жылғы шілдеден 2009 жылғы наурызға дейін "Қазақстан Халық банк" ЖЗҚ" АҚ төрағасының кеңесшісі, басқарма төрағасының бірінші орынбасары қызметтерін атқарды.

Сондай-ақ, әр жылдары Ұлттық банктің жоспарлау және бюджетті бақылау басқармасын басқарды, қаржы реттеу қызметкерлерімен жұмыс департаментін басқарды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!