+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Энергетика министрлігі әлеуметтік желілерде тараған жанармай құю станциялар желісі бойынша 2022 жылға арналған дизель мен бензин бағасына қатысты пікір білдірді, - деп хабарлайды Tengrinews.kz тілшісі.
Энергетика министрлігі әлеуметтік желілерде тараған жанармай құю станциялар желісі бойынша 2022 жылға арналған дизель мен бензин бағасына қатысты пікір білдірді, - деп хабарлайды Tengrinews.kz тілшісі.
"Әлеуметтік желілерде АИ-92 маркалы бензиннің болжамды бағасы 240 теңге, дизель бағасы 400 теңге болатыны көрсетілген жанармай құю станциялары желісінің құжаты тарап жатыр. Бұл болжам қаншалықты рас? 2022 жылы баға қандай болады" - деп сұрады журналист.
Энергетика вице-министрі Әсет Мағауов ақпараттық бюллетеньді әлеуметтік желіден көріп, компанияға хабарласқанын айтты.
"Бұл хат екі айдан бері әлеуметтік желілерде тарап жатыр. Компания өз тұтынушылары үшін осындай болжамдар жасап, коммерциялық ұсыныс жасағанын айтты. Яғни, бұл шаруашылық субъектілері мен нарықты бағалау арасындағы қарым-қатынас.
Менің ойымша, дизель 400 теңгеден болмайды. Негізінде, қазір бағаның біршама төмендегенін көріп отырмыз", - деді Мағауов.
Ол нақты баға мұнай бағасына байланысты болатынын және болжау қиын екенін түсіндірді.
"Біз ішкі нарықтағы бағаларға әсер ететін белгілі бір корреляцияны көріп отырмыз. Себебі дизель отынын импорттауды жалғастырамыз. Бірақ қазан-қарашадағыдай ірі көлемде емес. Қазір импорт көлемі төмендеді, бірақ жалпы бағалармен корреляция бар", - деді ол.
Бензин бағасы бойынша, вице-министр нақты жауап берген жоқ.
"Қазақстан қазір бензинге қатысты өзін қамтамасыз етеді. Дизель бойынша биыл айтарлықтай импорт өтті. Бензин бойынша, ішкі қажеттіліктерімізді жабамыз, кейін бәрі бензин тұтыну қаншалықты өсетініне байланысты болады. Біз бензин бойынша биржалық сауда жүргіземіз, бұл - нарықтық индикатор. Күрт өсу үрдісін көріп отырған жоқпыз", - деді Мағауов.
Бірақ ол Қазақстанда 2022 жылы АИ-92-нің литрі 240 теңгеге жетуі мүмкін бе деген сұраққа жауап бермеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
