Денсаулық сақтау министрі Ажар Ғиният коронавирус таралуына қатысты болжамды айтты, - деп хабарлайды Tengrinews.kz тілшісі.
"Денсаулық сақтау министрлігі ай сайын алдағы үш айға болжам жариялап отырады. Пессимистік сценарий бойынша, күніне 4 мың науқасқа дейін тіркеледі. Реалистік сценарий бойынша, күніне 2,5 мың адамға дейін анықталады. Оптимистік сценарий бойынша, күніне мың науқасқа дейін тіркеледі. Коронавирус жұқтыру тамыз бойы жалғасып, қыркүйекте азаяды", - деді Ғиният ОКҚ-дағы брифингте.
Еске салайық, бұған дейін Денсаулық сақтау министрлігі енді Қазақстанда эпидемиялық ахуалды бағалау матрицасы жаңа әдіспен қаралатынын хабарлаған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
