"Дүрбелең болады деп ойлаған жоқпыз" - министр "Оян, қазақ!" фильмінің прокаты туралы

Дина Шарипханова Корреспондент

"Міржақып. Оян, Қазақ!" видео кадры

Мәдениет және ақпарат министрі Аида Балаева отандық "Міржақып. Оян, қазақ!" фильмінің прокатына қатысты пікір білдірді, - деп хабарлайды Tengrinews.kz тілшісі.

Мәдениет және ақпарат министрі Аида Балаева отандық "Міржақып. Оян, қазақ!" фильмінің прокатына қатысты пікір білдірді, - деп хабарлайды Tengrinews.kz тілшісі.

Үкімет брифингінде журналистер министрден зал толы көрермен жинағанына қарамастан, фильмнің шығуы неге басқа фильмдерге қарағанда әлдеқайда қысқа болғанын сұрады.

"Барлық жалға беру ұйымдарының өз кестесі бар. Біз мұндай дүрбелең болады деп ойлаған жоқпыз. Шынында да бір уақыт таңдалды. Көрермендер осы фильмге қызығушылық танытқаннан кейін, тағы бір аптаға ұзарттық. Қазір прокат уақыты аяқталды. Көрермендерін күтіп тұрған басқа да фильмдер бар. Сондықтан, бұл жерде ешқандай проблема жоқ деп ойлаймын. Парадокс сол, бұл фильм Qazaqstan телеарнасында үш рет көрсетілді, бірақ ерекше қызығушылық болмады. Қазір бұл фильм көпшілікке қолжетімді. Оны YouTube-арнадан көруге болады. Сондықтан мен мұнда ешқандай проблема көріп тұрған жоқпын", - деді министр журналистердің сұрақтарына жауап бере отырып.

Балаеваның айтуынша, қазақстандықтардың бұл фильмге деген қызығушылығы жоғары.

"Әрине, қазақстандық сериалдар да табысты болса деген үміт бар. Оған дейін бізде бәрі нашар және сапасыз деген стереотип болды ғой. Біздің режиссерлер мен продюсерлік компаниялар да сапалы фильмдер түсіре алады", - деді министр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

фильм Қазақстан министрлік