Шығыс Қазақстан облысында әскери жарғыны қатаң бұзған ер адам сотталды, - деп хабарлайды Tengrinews.kz тілшісі Өскемен гарнизоны әскери сотының баспасөз қызметіне сілтеме жасап.
"ҚР ҰҚК ШҚ 2535 әскери бөлімінің ефрейторы болмашы себеппен: жәбірленуші "крыса" деп айтқаны үшін әскери қызметкерлер арасындағы қарым-қатынас жарғысын қатаң бұзып, жәбірленушінің бетіне үш рет жұдырық жұмсаған. Осылайша ол шекарашыға орта деңгейдегі жарақат салған", - делінген хабарламада.
Сотта сотталушы өз кінәсін мойындап, істеген ісі үшін өкініш білдірді.
"Өскмен гарнизоны әскери сотының үкімімен ол ҚР 440-бабы 3-бөлігі 4-тармағы бойынша кінәлі деп табылып, бір жыл бас бостандығынан айырылды. ҚР Қылмытық кодексінің 63-бабына сәйкес оның жазасы шартты түрде болады. Оған бір жыл сынақ мерзімі бекітілді", - деді сот баспасөз қызметіндегілер.
Сот үкімі заңды күшіне енген жоқ.
