05 тамыз 2020 | 18:06

Екібастұзда шенеуніктер қыз ұзатуға дайындықты тоқтатты

Видеодан кадр

Екібастұз полициясы және әкімдік қызметкерлерінен құралған арнайы мониторинг тобының мүшелері көпшілік келетін жиынға дайындықты тоқтатты, - деп хабарлайды Tengrinews.kz тілшісі.

Екібастұз полициясы және әкімдік қызметкерлерінен құралған арнайы мониторинг тобының мүшелері көпшілік келетін жиынға дайындықты тоқтатты, - деп хабарлайды Tengrinews.kz тілшісі.

"Бүгін 5 тамызда сауда және тамақтану нысандарын тексерген кезде карантин режимін бұзу фактісі анықталды. Дәмхана әкімшілігі, қалада қосымша шектеу шаралары енгізілгеніне қарамастан, қонақ күтуге дайындалып жатқан. Алпыстан астам адам жиналатын той болайын деп жатыр екен", - деді Екібастұз әкімдігінің баспасөз қызметіндегілер.

Посмотреть эту публикацию в Instagram

ТОЙ ВО ВРЕМЯ КАРАНТИНА ПРЕСЕКЛИ В ЭКИБАСТУЗЕ. Сегодня членами мониторинговой группы при обходе объектов торговли и общепита был обнаружен факт нарушения карантинного режима. Администрация ресторана несмотря на введенные в городе дополнительные ограничения готовилась к приему гостей. Мероприятие ожидалось с большим скоплением людей, свыше 60 ти человек. Теперь владельцу увеселительного заведения и виновникам торжества придется понести наказание в виде крупного штрафа. Составлены протоколы. @ekibastuz_akimat

Публикация от Акимат г. Экибастуза (@ekibastuz_akimat) 5 Авг 2020 в 2:38 PDT

Сондай-ақ дәмхана иесі мен отбасылық шараны өткізетіндерге қатысты әкімшілік хаттама толтырылған. Материалдар карантин режимін бұзуға байланысты Әкімшілік құқықбұзушылық кодексінің 425-бабы бойынша жауапкершілікке тарту үшін Тауарлар мен қызметтердің сапасы мен қауіпсіздігін бақылау басқармасының қарауына жіберілді.

Павлодар облысы полиция департаментінің баспасөз қызметінің хабарлауына қарағанда, елімізде күшейтілген карантин енгізілгеннен бері карантин талабын бұзудың 330-дан аса дерегі тіркелген. Тек соңғы тәуліктің өзінде Павлодарда карантин талабын бұзған 7 факті анықталған.

"Тексеріс барысында кешкі сағат 21.00-ден кейін жұмыс істеген дүкендер мен кафелер анықталды. Олар Павлодар облысындағы бас санитар дәрігер қабылдаған қаулының талабын бұзған. Сондай-ақ, тағы бір кафеде қонақтар болған. Бұл мекеменің иелері пайданы көздеп, тәртіпке бағынбаған. Осылайша, адамдардың өміріне қауіп төндірген", - дейді Павлодар облысы Полиция департаментінің баспасөз қызметіндегілер.

Қазақстан жаңалықтары. Соңғы жаңалықтар. Telegram желісінде бізге жазыл!

карантин той Екібастұз Полиция әкімдік