Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Экс-министр Цой Біртанов ісі бойынша сотта куәлік берді 19 тамыз 2022, 20:28

Бұрынғы денсаулық сақтау министрі Алексей Цой бұрын Денсаулық сақтау министрлігін басқарған Елжан Біртанов пен бұрынғы вице-министр Олжас Әбішевке
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Бұрынғы денсаулық сақтау министрі Алексей Цой бұрын Денсаулық сақтау министрлігін басқарған Елжан Біртанов пен бұрынғы вице-министр Олжас Әбішевке қатысты сот процесінде куәгер ретінде жауап берді, - деп хабарлайды Tengrinews.kz тілшісі.

Цой 2017 жылы вице-министр ретінде министрлікті ақпараттандыруға жауапты болғанын айтты. Сол жылдары ол денсаулық сақтау жүйелерін ақпараттандыру және өзара әрекеттесу платформасын әзірлеуді қадағалаған, ол дұрыс жасалмағаны үшін Біртанов қызметтік өкілеттігін асыра пайдаланды деп айыпталған.

"Бұл үкіметтің ресми қолдауына ие болған Дүниежүзілік банк жобасы болатын. Жоба өзара әрекеттесу платформасын қамтыды. Алдын ала төлем керек еді, нақты цифрды айта алмаймын. Сома компанияның кепілдік міндеттемелерімен кезеңдерге бөлінді, шарттар мен қамтамасыз ету де анықталды. Алдағы уақытта компания қызметкерлерін оқытып, платформаны пайдалануға беруі керек деп есептелді. (...)

Келісімшарт бойынша ол мерзімінен бұрын орындалуы керек еді, бірақ түрлі форс-мажорлық жағдайларға байланысты келісімшарт мерзімі ұзарды. Техникалық спецификацияда қарастырылған кейбір жабдық алып тасталды және жаңа сипаттамаларды бекіту керек болды. Артынша Ericsson Nikola Tesla компаниясы мерзімді бірнеше рет шегерді. Бірақ жобаны орындау мерзімі - 2017 жыл жеткенде компания бәрін жүзеге асыруға үлгермей, ақша бюджетке қайтарылды", - деді Алексей Цой сотта.

Оның айтуынша, компания үнемі келісімшарт мерзімін ұзартуды сұраған.

"Біз оларды қолдадық. Бізге жобаның аяқталуы маңызды болды, бұл Қазақстанға өте маңызды. Біздің еліміз бұл жобаны әлемде алғашқылардың бірі болып жүзеге асыруы тиіс еді. Бірақ жобаның мерзімі аяқталуға жақын еді, біз компанияға хабар бердік, олар келді, сынақ жұмыстарын жүргізді, бірақ жүйе толық жұмыс істемеді", - деді ол.

Цой министр Біртановқа бірнеше рет Ericsson Никола Тесла белгіленген мерзімнен кешігіп, платформаны әзірлеуді аяқтамай жатқанын хабарлағанын айтты.

"Министр деңгейінде кездесулер өтті, оған жазбаша есеп бердік, ауызша айттық. Ол барлық жағдайдан хабардар болды. Ол мамандардың пікіріне сүйенді. Ол:" Іске асырыңдар, жұмыс істеңдер, тездетіңдер" деді, - деп айтты Цой. 

Нәтижесінде ENT төлеуге тиіс сома игерілмеген бөлігі ретінде бюджетке қайтарылды.

"Мәжілісте де, Сенатта да үлкен сома неге игерілмей жатыр деген сұрақ қойылды. Біз жүйе аяқталмағанын алға тарттық. Бұл ақшаны бітпеген жұмысқа төлегенше, Қазақстанда қалдырып, бюджетке қайтарған дұрыс. Әрине, қолданбағаны үшін сын айтылды, бірақ бір кездері олар бізді түсінді", - деді Цой.

Цой сонымен қатар компаниямен келіспеушіліктер 2017 жылдан 2021 жылға дейін жалғасқанын айтты. Бір кезде ENT жергілікті қызметкерлерді айыптап, қазақстандық жүйе олардың платформасына дайын емес екенін айтқан. 

Біртанов Цойдан "2017 жылы мен платформаны әзірлеу және жеткізу бойынша міндеттемелердің бүкіл көлемі үшін Ericsson Nikola Tesla сертификаттарын қабылдауды және қол қоюды тапсырдым ба?" деп сұрады. 

"Жоқ, тапсырмадыңыз", - деді Цой. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram