+7 (777) 001 44 99
Қазақша
Русский
English
Бүгін Ақордада Ұлттық инвесторлар кеңесіне төрағалық еткен Мемлекет басшысы Нұрсұлтан Назарбаев 2017 жылы өтетін жалпыға бірдей табыс көлемін жариялау науқанына дейін капиталға рақымшылық жасау туралы заң жобасын әзірлеуді тапсырды, - деп хабарлайды Tengrinews.kz тілшісі.
"Ұлттық банк пен Үкіметке 2014 жылғы маусымның 1-іне дейін капиталға рақымшылық жасау туралы заң жобасын даярлап, менің қарауыма енгізуді тапсырамын", - деді бүгін Назарбаев.
"Бұл шара - жалпыға бірдей табыс көлемін жариялаудан кейінгі алғашқы кезең болады. Ол біздің экономиканың үлкен бөлігін көлеңкеден шығарып, бізді дамыған елдер экономикасының ашықтығы деңгейіне жеткізеді. Көлеңкедегі экономика - экономиканың тұрақты дамуының бірінші жауы, жемқорлықтың ең жақын досы", - деп мәлімдеді Елбасы. Президент табыс көлемін жариялау науқанының 2017 жылдың 1 қаңтарынан басталатынын еске салды.
