Елбасының кеңесшісі - баспасөз хатшысы Айдос Үкібай Нұрсұлтан Назарбаев Қазақстан елордасында екенін мәлімдеді, - деп хабарлайды Tengrinews.kz тілшісі.
"Елбасы Қазақстан астанасы Нұр-Сұлтанда. Жалған және спекуляциялық ақпарат таратпауды сұраймыз. Елбасы бірқатар консультациялық кездесу өткізді және Қазақстан Президенті Қасым-Жомарт Тоқаевпен тікелей байланыста", - деп жазды Айдос Үкібай Twitter желісінде.
Сонымен қатар, Нұрсұлтан Назарбаев ТМД-ның бірқатар елінің басшыларымен телефон арқылы сөйлескені белгілі болды.
"Елбасы сындарлы сағатта ел тұтастығын қамтамасыз ету үшін Қазақстан Президентінің жанына ұйысуға шақырды", - делінген Елбасының кеңесшісі - баспасөз хатшысының жазбасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!