+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін Мәжіліс депутаттары кейбір заңнамалық актілерге трансферт баға белгілеу мәселелері бойынша өзгерістер мен толықтырулар енгізу туралы заң жобасын бірінші оқылымда мақұлдады. Сонымен қатар, бұл құжат елден капиталды шығаруға бақылауды күшейту мақсатында әзірленген, - деп хабарлайды Tengrinews.kz тілшісі.
Бүгін Мәжіліс депутаттары кейбір заңнамалық актілерге трансферт баға белгілеу мәселелері бойынша өзгерістер мен толықтырулар енгізу туралы заң жобасын бірінші оқылымда мақұлдады. Сонымен қатар, бұл құжат елден капиталды шығаруға бақылауды күшейту мақсатында әзірленген, - деп хабарлайды Tengrinews.kz тілшісі.
Премьер-министрдің орынбасары – қаржы министрі Ерұлан Жамаубаев ұсынылған өзгерістер мен толықтырулар капиталды елден шығаруға бақылауды күшейтуге қалай көмектесетінін түсіндірді.
"Кейбір ірі салық төлеушілер жасанды делдалдық құрылымдар жасайды. "Эксклюзив" трейдерге шикізат өнімдерінің барлық көлемін заңды түрде өзара байланысты емес төмен бағамен сату деректері бар. Бұл ретте осы трейдерлер бойынша қаржылық есептілік бойынша деректер қолжетімсіз, осыған байланысты тексерілетін мәмілелер бойынша жеткілікті ақпараттың болмауына байланысты капиталды елден шығару тәуекелі туындайды. Осыны ескере отырып, өзара байланысты тараптар ұғымын кеңейту ұсынылады", - деді Жамаубаев.
Сондай-ақ, заң жобасы тауар биржаларында жасалған мәмілелердің трансферттік бағасын бақылауды қайтаруды көздейді.
"Қазіргі уақытта елдің тауар биржаларында жасалған мәмілелердің трансферттік бағасын бақылау жүзеге асырылмайды. Мұндай мәмілелердің бағасы көбінесе нарықтық бағадан төмен болады. Бұл капиталды елден шығаруға мүмкіндік береді. Сондықтан бұл норманы алып тастау ұсынылады", - деп толықтырды премьер-министрдің орынбасары.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
