+7 (777) 001 44 99
Қазақша
Русский
English
"Қазгидромет" метеорологтары елімізде алдағы аптада ауа райы қандай болатынын айтты, - деп хабарлайды Tengrinews.kz тілшісі.
"Қазгидромет" директоры Марины Шмидт алдағы уақытта Қазақстанда қатты аяз болмайтынын айтады.
"Аязды әкелген суық және күшті антициклондардың Қазақстанға ығысуына байланысты республиканың басым бөлігінде аяздың беті қайтады", - деді Марина Шмидт.
Маманның айтуынша, еліміздің солтүстік өңірлерінде демалыс күндері ауа температурасы минус 18-23 градус болады. Бірақ кейбір жерлерде 28 градусқа дейін аяз болады деп болжанып отыр. Ал оңтүстік өңірлерде ауа температурасы түнгі уақытта 0-5 градус, кейбір жерлерде 10 градус аяз болады. Ал күндіз 3-8 градус аралығында жылы болатыны айтылады.
"Ауа температурасының жоғарылауына байланысты кейбір өңірлерде қар түсіп, боран соғады. Қазақстанның оңтүстігінде жауын-шашын жауып, кейбір аумақтарда тұман түсіп, көктайғақ болады", - дейді метеоролог.
Бірақ, мамандардың айтуынша, аптаның басында күн суық болады. Дегенмен өткен аптадағыдай аяз болмайды.
"Қазақстанның солтүстігі мен орталығында түнгі уақытта ауа температурасы 22-27 градус, кейбір өңірлерде 30 градус аяз болады. Еліміздің шығысында 35 градусқа дейін аяз болса, оңтүстік пен оңтүстік-шығыста 5-10 градус аяз болады. Бірақ бұл аяз ұзақ уақытқа созылмайды", - деді Марина Шмидт.
Ал солтүстік өңірлерде ауа температурасы түнде 15-23 градус болса, күндіз 5-13 градусқа дейін жоғарылайтыны айтылады.
